今年以黎，無論日常生活、消費，甚至到投資領域都好，「大灣區」絕對係其中一個最熱烈討論嘅題目。當大部人都講緊「投資大灣區」概念嘅時候，究竟「大灣區」包括咩地區呢？而投資大灣區房地產黎講，邊區係最有發展潛力呢？

根據國務院公佈《粵港澳大灣區發展規劃綱要》，大灣區主要是11個城市：「9 + 2」，涵蓋珠江口兩岸九個內地城市，包括廣州、深圳、東莞、惠州、珠海、中山、佛山、肇慶、江門；加上香港、澳門兩個特區組成的城市群，總面積有成55個香港咁大。

大灣區內除左教育、文化、體藝交流等日常生活嘅考慮外，投資時值得注意嘅當然唔少得早前廣東省發改委提出嘅「一小時城軌交通圈」，圈內嘅交通基建包括港珠澳大橋、港鐵紅磡站／城際直通車、廣深港高速鐵路香港段（高鐵香港段），廣珠城際鐵路、芫惠城際交通、興建中嘅深中通道及蓮塘口岸等等。

大灣區嘅整體發展槪念固然無容置疑，但投資大灣區房地產要注意嘅事項亦都唔少。例如：大灣區「9 + 2」各區本身嘅發展程度，甚至計劃定位都唔同，投資特定地區嘅潛力同風險分別亦都好大。落決定之前必需要了解城市嘅優勢產業，民眾嘅賺錢能力及樓市成交等。

原諒筆者要做一次「標題黨」，與其打算三言兩語就知道大灣區房地產發展大趨劫，不如認真考慮自己的投資取向後，再請一間可信賴的房地產專業顧問，細心研究每區特定地段的發展再決定吧！